​चलचित्र सम्झना बिर्सनाको 'हास्ने खेल्ने बेलैमा' सार्वजनिक , रोमान्टिक बने पुजा र आकाश

चलचित्र सम्झना बिर्सनाको एक गीत सार्वजनिक गरिएको छ । यहि असार ३१ गते बाट प्रर्दशनमा आउने चलचित्र सम्झना बिर्सनाको सार्वजनिक गीतमा अर्जुन पोखरेलको शव्द एवं संगीत रहेको छ  भने गीतमा अन्जु पन्त र किरण गजमेरको आवाज रहेको छ । 
चलचित्रको गीतमा पुजा शर्मा र आकाश श्रेष्ठ रोमान्टिक मुडमा प्रस्तुत गरिएको छ , गीतलाइ रामजी लामिछानेले कोरियोग्राफि गरेका छन् । चलचित्र सम्झना बिर्सना को रिलिजको संघारमा छायांकन गरि यो गीत सार्वजनिक गरिएको हो । यो गीतले फिल्मको कथा बोक्ने निर्माण पक्षले जानकारी गराएको छ । 
शनिबार चलचित्र बिकाश बोर्डको हलमा आयोजीत उक्त कार्यक्रममा पुजा शर्मा र आकाश श्रेष्ठ उपस्थित भएका थिए । चलचित्रलाइ आदुत्य प्रधान र रेबिका प्रधानले निर्माण गरेका हुन् । चलचित्रका निर्देशक एवं लेखक निमेश प्रधान हुन् । चलचित्रमा आकाश पुजाको साथमा सुनिल थापा , शिशिर राणा तथा छुल्ठिम गुरुङको मुख्य भुमिका रहेको छ ।