चलचत्रि अनन्तको छायांकन सकिएको छ । छायांकन सुरु भएको २० दिनमा यो सिनेमाको छायांकन केहि दिन अघि सकिएको हो । यस चलचित्रमा अभिनेता कर्मा र अभिनेत्री लक्ष्मी बर्देवा को अभिनय रहेको छ । अहिले जारी निषेधाज्ञा खुलेपछि यस चलचित्रको पोस्ट प्रोडक्सनको काम सुरु हुने बताइएको छ । फिल्मलाई जेसन लोप्चनले निर्देशन गरेका हुन् ।
यस चलचित्रले प्रेमकथा बोल्ने निर्देशक जेशन लोप्चनले बताएका छन् । जेसनको पटकथा लेखन रहेको फिल्मको सह–निर्मातामा रन्जन ढुंगाना र शीतल खड्का छन् । किपालय प्रोडक्सनको ब्यानरमा निर्माण भएको फिल्ममा जीवन अधिकारीको पनि मुख्य भूमिका छ । फिल्मलाई बबिन दुलालले खिचेका हुन् । समय अनुकुल रहे फिल्मलाई यसै वर्ष प्रदर्शन गर्ने तयारीमा निर्माण टिम रहेको छ