बैंकिङ कसुरमा कलाकार तथा निर्देशक शिशिर राणा पक्राउ

कलाकार तथा निर्देशक शिशिर शम्शेर राणा ठगि मुद्धा मा प्रकाउ गरेका छन् । बैंकिङ कसुरमा अदालतद्वारा दोषी ठहर भएका कलाकार तथा निर्देशक शिशिरशमशेर राणालाई प्रहरीले पक्राउ गरेको छ । प्रहरीको केन्द्रीय अनुसन्धान ब्युरो (सीआईबी) को टोलीले उनलाई काठमाडौंको बिजुलीबजारबाट सोमबार पक्राउ गरेको हो । राणालाई बैंकिङ कसुरमा उच्च अदालत पाटनले २६ माघ २०७७ मा ४५ लाख जरिवाना र १० दिन कैद सजायको फैसला गरेको थियो । सीआईबीका अनुसार राणाले ललितपुरकै एक व्यक्तिबाट घर व्यवहार चलाउने भन्दै ४५ लाख ऋण लिएका थिए । तर, रकम पर्याप्त नभएको नबिल बैंकको चेक दिएपछि उनीविरुद्ध बैंकिङ कसुरको उजुरी परेको थियो । सोही उजुरीका आधारमा उच्च अदालत पाटनले उनलाई दोषी ठहर गरेको हो ।
प्रोडक्सन म्यानेजरका रूपमा फिल्मक्षेत्रमा प्रवेश गरेका शिशिरले दुई दर्जन फिल्ममा काम गरेका छन् । ’अन्दाज’, ’वडा नम्बर छ’, ’क्लासिक’, ’वीर–विक्रम’, ’कायारा’, ’रामकहानी’, ’पोई प¥यो काले’ लगायत फिल्ममा उनले अभिनय गरेका छन् । 
केही फिल्मको कथासमेत लेखेका शिशिरले ’तिमी सँग’ र ’पोई प¥यो काले’को निर्देशन गरेका छन् । शिशिरले ’माला’ फिल्ममा लगानीसमेत गरेका थिए ।