चलचित्र कुईनेटोको ‘धर्ती आकाश’ सार्वजनिक

नेपाली कथानक चलचित्र कुईनेटोको शिर्ष गीत ‘धर्ती आकाश’ सार्वजनिक भएको छ । मिडिया एण्ड ईन्टरटेनमेन्ट प्रा.लि. र पिम नेपालको संयूक्त प्रस्तुति रहेको चलचित्रको निर्माता कमला जोशी हुन भने निर्देशन तथा लेखन बहुप्रतिभाका धनी निर्देशक माधव राज खरेल हुन् ।चलचित्र हाल चलिरहेको कोभिड १९ को असर केही कम हुने वित्तिकै प्रदर्शनमा आउने निर्माण पक्षले जानकारी गराएको छ । 
चलचित्रमा नायक श्रीदेव भट्टराई र नायिका श्रीजु अधिकारीको अभिनय रहेको छ । सुदुरपश्चिमको विभिन्न रमणिय एवं पर्यटकिय स्थानमा छायांकन गरिएको गीतको शव्द गीतकार ललिता कुँवरले लेखेकी हुन् भने चर्चित संगीतकार सन्तोष श्रेष्ठ संगीत दिएका छन् । श्रेयसी चेम्जोङ र यूवराज चौलागाईको स्वर रहेको गीतको एरेन्जर ओम सुनारले गरेका हुन् । हाँस्य विधामा समेटिएको चलचित्रमा माया, प्रेम, समर्पण, सदभाव आदीलाई कलात्मक रुपमा प्रस्तुत गरिएको छ । चलचित्रमा श्रीदेव भट्टराई, सानिया खान, श्रीजु अधिकारी, केशव रापकोटा, मनीराज लिम्बु, नवराज रिमाल, गंगा भुजेल, मोतीराम जैशी, सिद्धान्त क्षेत्री, साहिल चौधरी, दिपेश जैसी लगायतका कलाकारहरुको अभिनय रहेको छ । चलचित्रमा किरण दाहालको द्धन्द निर्देशन, रुपेश उप्रेतीको नृत्य निर्देशन, जनकराज अधिकारीको छायांकन, नरेश खरेलको श्रृंगार, प्रदिप दाहाल र राजेश कुमारको सम्पादन हरेको छ भने चलचित्रमा राज सागर, पशुपति ताम्रकार, अनिल विरही, सुरेश अधिकारी लगायतका श्रष्टा एवं सर्जकहरुको स्वर, शब्द तथा संगीत रहेको छ ।