​उदय सुब्बाको आकाशे खेती फागुन २७ मा , विल्सन र गौरवको जोडि पर्दामा

निर्माण भएर प्रर्दशनको तयारीमा रहेको चलचित्र आकाशे खेतिले फष्ट लुक पोष्टर सार्वजनिक गर्दै प्रर्दशन मिति घोषणा गरेको छ । विल्सन बिक्रम राइ , गौरव पहारी तथा निता ढुंगानको मुख्य अभिनय रहेको चलचित्र आकाशे खेती लाइ उदय सुब्बाले निर्देशन गरेका छन्  । 
गौरव, विल्सन र निताको साथमा रबिन्द्र झा , रमा लिम्बु , जयनन्द लामा , शिशिर वाङ्देल लगायतका कलाकारको अभिनय देख्न सकिन्छ । महनत नै नगरी पैसा कमाउने युवाहरुको सपनाको कथालाई पनि चलचित्रले देखाउन खोजेको निर्देशक सुब्बाले बताए । केदार उप्रेती, जीवन सुब्बा, राजेन्द्र चोङ्वाङ र दिलप्रकाश याक्सो निर्माता रहेको यो चलचित्रमा उदयको कथा, विल्सनविक्रम राईको संवाद छ ।

एसएस इन्टरनेशनल फिल्म्स र तक्मे प्रोडक्सनको संयुक्त ब्यानरमा निर्माण भएको यो चलचित्रलाई विक्रम डीसीले छायांकन गरेका छन् भने सुजन बडालको सम्पादन र राजु किरातीको द्वन्द्व रहेको छ । चलचित्रमा रामजी लामिछाने र राजीवको नृत्य तथा विकास चौधरी र बादल लिम्बूको संगीत छ ।