Friday, Sep 30, 2022  |  शुक्रबार, १४ असोज २०७९   |  नेपाली समय लोड हुदैछ...
चलचित्र ‘हिजो आजका कुरा’ ले मोफसल टुर सुरु गर्दै ​छायाँछवि तीज म्युजिक अवार्ड –०७९ भव्य रुपमा सम्पन्न गीतकार एवं गजलकार हरि उप्रेति सम्मानित १८ भाषा समावेश भएको नेपाली गीत सार्बजनिक धर्मेन्द्र तिम्सिना'क्षितिज'को कबिता संग्रह आवाजहरुको जुलुस सार्वजनिक चलचित्र ‘सोल अफ द कमान्डो’ बेलायत, नेपाल र क्यानडामा प्रदर्शन हुँदै सात फरक पेशाका छोरीको तिज गीत सार्वजनिक ‘‘कृष्ण–लीला’’ को ‘ए मेरो हजुर’ को चार लाख बढी टिकटक गोर्खा बिनिथ द ब्रेभरी’: बेलायत बाट प्रर्दशनको शुभारम्भ सरोज खनाल र शिशिर अभिनित म्युजिक भिडियो ‘बुवा: एक कथा’ रिलीज ‘कृष्ण–लीला’ को ट्रेलरमा पुष्प र श्रद्धाको सस्पेन्स लभ ‘हिड्दा–हिड्दै’ प्याक अप ! 'बद्री बहादुर' नेपालअघि अष्ट्रेलियामा ​साराको ‘गुञ्जन’ पुस २९ रिलिज हुने ‘नालापानी’को मोशन पोस्टर रिलीज

सरोज खनाल र शिशिर अभिनित म्युजिक भिडियो ‘बुवा: एक कथा’ रिलीज

सोमबार, ९ श्रावन २०७९, कलीउड अपडेट.
बरिष्ठ अभिनेता सरोज खनाल र कलाकार शिशिर भण्डारी अभिनित म्युजिक भिडियो ‘बुवा: एक कथा' रिलीज भएको छ । शनिवार काठमाडौंमा आयोजित ‘नारायण बल्लभ फाउन्डेशन’को घोषणा समारोहबीच यस गीतको भिडियो रिलीज गरिएको हो ।
 
गीतमा ‘नारायण बल्लभ फाउन्डेशन’का अध्यक्ष नरेन्द्र बल्लभ पन्तको गीत, संगीत तथा स्वर रहेको छ । सुव्रत आचार्यको निर्देशनमा बनेको यस भिडियोमा खनाल र भण्डारीको साथमा एलिश खनाल, गीता थापा, बालकलाकार दियान गौतम, रोमन दंगाल लगायतको अभिनय रहेको छ । यो गीत ‘नारायण बल्लभ पन्त प्रतिष्ठान’द्वारा निर्माण भएको हो । गीतकार, संगीतकार तथा गायक नरेन्द्रले पिताको निधन भएको एकबर्षपछि पिताकै सम्झना र समर्पणस्वरुप यो गीत लेखेको बताए ।
 
अभिनेता सरोज खनालले स्व. पन्तको भुमिकामा अभिनय गर्दा आफुलाई अत्यन्तै खुशी लागेको बताए । खनालले कमै मात्रामा वास्तविक पात्रहरुमा अभिनय गर्न पाईने बताउँदै यस प्रकारको अभिनय सबैभन्दा गाह्रो रहेको रहेको जिकिर गरे । निर्देशक आचार्यले वास्तविक कथामा काम गर्नु आफैमा चुनौती रहेको बताए ।
 
नेपालको कानून तथा न्यायको क्षेत्रमा बिशिष्ट योगदान दिई वरिष्ठ अधिवक्ताको रुपमा सम्मानित, सहकारी संस्था, विभिन्न उद्योग व्यवसाय एवं धार्मिक गतिविधिमा संलग्न रही समाजसेवाका क्षेत्रमा योगदान दिएका स्व. नारायण बल्लभ पन्तको स्मृतिमा शुरु भएको ‘नारायण बल्लभ पन्त प्रतिष्ठान'को पूर्व उद्योग, वाणिज्य तथा आपुर्ति राज्यमन्त्री तथा अन्तराष्ट्रिय चेम्बर अफ कमर्श नेपालका अध्यक्ष डा. राजेश काजी श्रेष्ठले उद्घाटन गरेका छन् । कार्यक्रममा बोल्दै श्रेष्ठले पिताको चाहना अनुसारको सामाजिक कार्य गर्नको लागी स्व. पन्तका सन्ततिलाई आफुले सोचेको भन्दा निकै माथी पाएको बताए । संगीत मार्फत पिताको त्याग र परिवारप्रतिको समर्पण देखाउन सक्नु निकै सुखद रहेको उनले बताए ।
 
विभिन्न सामाजिक कार्य गर्ने उद्देश्यले शुरु भएको फाउन्डेशन उद्घाटनमा आर्थीक समस्याको कारण स्नातक तहको अध्ययनमा समस्या झेलिरहेकी सम्पन्नता विन्दुकारलाई रु.५१,०००/- प्रदान गरिएको थियो । हालको लागि रु. दश लाखको अक्षयकोष स्थापना गरि फाउन्डेशनले काम शुरु गरेको हो । घोषणा कार्यक्रममा नेपाल चेम्बर अफ कमर्शका बरिष्ठ उपाध्यक्ष कमलेश अग्रवाल, सिटिजन्स बैंक इन्टरनेशनलका सिईओ गणेशराज पोखरेल लगायतको उपस्थिती रहेको थियो ।

यसमा तपाईको प्रतिक्रिया (Comment)

भिडियोहरू