​कलाकारहरूको साथ 'घण्टी'लाई

काठमाडौ । पछिल्लो समय राष्ट्रिय स्वतन्त्र पार्टीको समर्थनमा कलाकारहरु समेत खुल्न थालेका छन् । मंसिर ४ गते हुने आमनिर्वाचनको मिति नजिकिएसँगै देश घण्टीमय भएको छ । निर्वाचनमा स्वतन्त्र कलाकारहरु समेत राष्ट्रिय स्वतन्त्र पार्टीको पक्षमा खुल्न थालेका हुन् । कलाकार तथा निर्माता निर्मल शर्मा (गैंडा),निर्देशक निश्चल बस्नेत,चिरपरिचित र्याप गायक प्रणिल एल तिमल्सिना,मोडल उषा उप्रेती,नायिक वर्षा सिवाकोटी,निर्माता रवीन्द्र सिंह बानियाँ लगायतका कलाकारहरू घण्टी बाहक उम्मेदवारको र्यालीमा प्रत्यक्ष सहभागी हुँदै भोट मागिरहेका हुन् ।
निर्मल शर्मा, निश्चल बस्नेत, प्रनिल एल तिमल्सिना , रबिन्द्र सिं बानिया पुकार बमको लागी बोलिरहेका छन् भने उषा उप्रेती र बर्षा सिवाकोटी सोबिता गौतमको लागी बोलीरहेका छन् । निर्मल शर्मा र नायक रबि कार्की खुलेरै रबि लामिछानेलाइ भोट मागिरहेका छन् ।  देशमा मौलाएको भ्रष्टाचार तथा बेथितिको अन्त्यको लागि उनीहरुले स्वतन्त्र पार्टीका उम्मेदवारलाई मत दिन आग्रह गरेका हुन् ।