राष्ट्रिय स्वतन्त्र पार्टीकी ललितपुर क्षेत्र नम्वर ३ की उम्मेदवार डा.तोसिमा कार्कीले प्रमुख निर्वाचन आयुक्त दिनेशकुमार थपलियालाई धन्यवाद दिएकी छिन् । शनिबार एक टेलिभिजन कार्यक्रममा सन्चारकर्मि प्रकाश सुवेदी संग कुराकानी गर्दै प्रतिनिधिसभा प्रत्यक्षतर्फकी उम्मेदवार कार्कीले थपलियाको कारण देशभर आफ्नो प्रचार भएको भन्दै धन्यवाद दिएकी हुन् । कार्यक्रम प्रस्तोताले सोधेको प्रश्नको जवाफ दिँदै उनले भनिन्, ‘म त उहाँलाई धन्यवाद दिन चाहन्छु । ललितपुरमा मात्र चिनिन खोजेको थिएँ, उहाँले देशैभर चिनाइदिनुभयो ।’
कार्की लाभको पदमा कायमै रहेको भन्दै निर्वाचन आयोगले उनको उम्मेदवारी खारेज गरिदिएको थियो । तर आयोगको उक्त निर्णयमा असहमति जनाउँदै तोसिमा सर्वोच्च अदालत गएकी थिइन् । सर्वोच्चले तोसिमाको उम्मेदवारी खारेज नगर्न आयोगका नाममा अन्तरिम आदेश जारी गरेको छ । न्यायाधीश कुमार चुडालको एकल इजलासले नेपाल मेडिकल काउन्सिलको सदस्य रहँदा नियमित पारिश्रमिक वा आर्थिक लाभ लिएको मान्न नसकिने भनेको हो । आयोगले अख्तियार दुरुपयोग अनुसन्धान आयोग ऐनको समेत परिभाषालाई आधार मानेर उम्मेदवारी खारेज गर्दा कार्कीलाई क्षति पुगेको सर्वोच्चको ठहर छ । कार्कीले उम्मेदवारी दर्ता गर्नुअघि नै काउन्सिलको सदस्य पद छोड्नुपर्ने वा नपर्ने विषयमा प्रष्ट पार्न निर्वाचन आयोगलाई पत्र लेखे पनि आयोगले समयमा जबाफ नदिएको दाबी गरेकी थिइन् ।
सर्वोच्चको आदेशपछि ललितपुर क्षेत्र नम्बर ३ मा तोलिसमाले प्रचारप्रसार तीव्र पारेकी छिन् । तर सर्वोच्चको अन्तिम फैसला भने आएको छैन । उक्त क्षेत्रमा सत्तारुढ गठबन्धनका तर्फबाट माओवादीकी पम्फा भुसाल, नेकपा एमालेका अमृत खड्का र स्वतन्त्र पार्टीकी डा.तोसिमाबीच कडा प्रतिस्पर्धा हुने आकलन गरिएको छ । सानै देखि कलाकारीतामा रुचि भएकि तोसिमा पछिल्लो समयको सर्वाधिक रुचाइएको फिल्म महापुरुषमा डाक्टरकै भुमिकामा अभिनय समेत गरेकि छिन् ।
.jpeg)
.jpg)
