यदि मर्दैमा जिम्मेदारी सक्किने भए साला ! म पनि मरी दिन्थेँ : कर्ण गुरुङ (कबिता)

मर्दैमा जिम्मेदारी सक्किने भए
साला ! म पनि मरिदिन्थेँ
पिउँदैमा समस्याले छोड्ने भए
बेस्मारी ! म पनि पिएर हिन्थेँ
अरुलाई दोष देखाएर हुने भए
दोष थोपरेर म चुपचाप बसिदिन्थेँ
केही नगरी सफल हुने भए
साला ! सारा कर्म गर्न छोडिदिन्थेँ
यदि नहिँडी गन्तव्यमा पुग्दो हो त
उप्परखुट्टी लगाएर कुर्सीमा बस्थेँ
जीवन यति सजिलो हुँदो हो त
म सबै आफ्नै खुसीले गरिदिन्थेँ
अफूले भनेको जस्तो हुने भए
संसार म, म जस्तो बनाई दिन्थेँ
जे भन्यो, त्यो पुर्याई दिन्थेँ
अरु त जे जस्तो होला
भिकारीलाई पनि बादशाह बनाई दिन्थेँ
गरिबलाई धनी बनाई दिन्थेँ
दु:खीलाई खुसी बनाई दिन्थेँ
निन्याउरा ती अनुहारहरुमा
सधैँ सधैँ चमकले भरि दिन्थेँ
यदि केहि नगरी सबै कुरा बन्ने भए
केही नगरी चुप चाप बसी दिन्थेँ
साचै भनेको
यदि मर्दैमा जिम्मेदारी सक्किने भए
साला ! म पनि मरी दिन्थेँ