कलाक्षेत्रमा समर्पित चोङवाङ ठूले | झापा देखि क्यानडा सम्मको यात्रा

बि स २०३१ भदौ १३ गते बुवा राम प्रसाद फागो चोङवाङ तथा आमा लालमाया इङ्नाम को कोख बाट झापाको गोलधापमा जन्मिएका राजेन्द्र चोङवाङ फागो अथवा चोङवाङ ठूले ,  सानै देखि गीत संगीत एव कला क्षेत्र प्रति रुचि राख्ने गर्थे । कला क्षेत्रमा  सिनेमा निर्माण , गायक , अभिनय मा सक्रिय चोङवाङ ठूले हाल क्यानडामा बस्दै आएका छन् । हाल झापाको बिर्तामोडमा घर रहेको छ । 
गोलधाप उच्च माबि बाट एसएलसि उर्तिण गरेका उनले मेचि क्याम्पस बाट बिए उर्तिण गरे भने बिराटनगर बाट एम ए सम्मको अध्ययन गरेका छन् । 
पारिवारीक माहोल नै कलामय भएको हुँदा उनी सानै देखि कला क्षेत्रमै रमाउन थालेका थिए । उनका बुवा ब्रिटिश आर्मि भएता पनि पछि सिनेमामा अभिनय समेत गर्नु भएको र केहि सिनेमा निर्माण समेत गर्नु भएको थियो । 
निर्देशक उदय सुब्बा बाट प्रभाबित भइ सिनेमा क्षेत्रमा प्रवेश गरेका चोङबाङ ठूलेले  तत्कालीन नेपालमा चलिरहेको द्धन्दले गर्दा नेपाली सिनेमा क्षेत्रमा भविष्य नदेखेर उनि बिदेश तर्फ लाग्न बाध्य भए । 
केहि समय बिदेश बसी स्वदेश फर्केर सिनेमा बनाउने उदेश्य राखेर बिदेश हिडेका उनले क्यानडामा नै बस्दै सिनेमा निर्माणमा अग्रसर बने । उनले लेखान्त , कानुन , मेरो प्यारो माइतीघर , क्रान्ती , रिफ्यूजी , मुरचुङ्गा आकाशे खेती संगसंगै बाच्न पाउँ जस्ता चलचित्रमा  निर्माताको रुपमा रहेका छन् । 
फिल्म निर्माता मात्र नभइ उनले हाल सम्म आधा दर्जन गीतमा श्वर दिइसकेका छन भन् केहि गीत आफ्नै शव्दमा रेकर्डसमेत गरीसकेका छन् । विल्सन बिक्रम राई संगको सहकार्यमा केहि भिडियो तथा सिरियलमा अभिनय समेत गरिसकेका छन् । 
हाल क्यानडामा बसे पनि चोङवाङ ठूले कला क्षेत्रमा सक्रिय रहदै आएका छन् ।  आफूले निर्माण गरेका फिल्म तथा अरुका फिल्म क्यानडामा  बिशेष गरि क्यालगरी एरियामा प्रर्दशन गर्ने , सास्कृतिक कार्यक्रम आयोजना गर्ने काममा अग्रसर रहदै आएका छन् । व्यावसायीक रुपमा भन्दा पनि सहयोगी भावनाले काम गर्दै आएका चोङवाङ ठूले समय समयमा नेपालमा रहेका बृद्धाश्रम तथा अनाथालयमा सहयोग पनि गर्दै आएका छन् । 
नेप्लीज कम्यूनिटि सोसाइटी अफ क्यालगरी एनसिएससी मा दुइ बर्ष कार्यकारी सदस्य रहेका उनि हाल उक्त सस्थाका आजिवन सदस्य हुन् । यस्तै किरात याक्थुङ चुम्लुङ क्यानडाको पूर्व अध्यक्ष समेत रहि सकेका छन् । चोङवाङ ठूले महागुरु फाल्गुनन्द इन्टरटेनमेन्ट को निर्देशक समेत हुन् । २०२२ मा अमेरीकाको कालोराडोमा आयोजित ग्लोबल नेपाली फिल्म अवार्डमा नेपाली सिनेमामा पुर्याएको योगदानको कदर गर्दै सम्मान समेत गरिएको थियो । 
बि स २०५७ सालमा सुमिता इधिङ्गो संग लगनगाँठो कसेका उनका एक छोरा सांयोग र एक छोरी हाङ्मा को साथमा क्यानडाको अलबर्टा क्यालगरीमा बस्दै आएका छन् ।