​दुइ कदम बाट डेब्यू गर्दै इओन लिम्बु

चलचित्र दुइ कदम बाट नेपाली सिने जगतले हिरोको रुपमा नयाँ अनुहार पाउने भएको छ । चलचित्र बाट इओन लिम्बुले डेब्यू  गर्दैछन् । इओन लिम्बु चलचित्र दुइ कदममा चक्लेटि हिरोको भुमिकामा देखिदैछन् । 
हरेक दृष्टीकोण बाट चलचित्रको लागी आफू रेडि भएको इओन लिम्बु बताउछन् । उनले ओस्कार इन्टरनेशनल कलेज, कलेज अफ फिल्म स्टडिज बाट अभिनय कक्षा लिएका छन् भने उनले नृत्य , फाइट तथा भोकलको समेत कक्षा लिएर आफूलाइ तयार गरि चलचित्रमा डेब्यू गरेका हुन् । 
अग्लो कद , हेर्दा आर्कषक देखिने र अभिनयमा पनि राम्रो भएको कारण चलचित्र दुइ कदममा मुख्य रोलको अफर गरेको निर्देशक उदय सुब्बाले जानकारी दिए । चलचित्रको कथाबस्तु अनुसार इओनको क्यारेक्टर म्याच भएको सुब्बाको भनाइ छ । चलचित्र दुइ कदम मंसिरमा रिलिज गरिने बताइएको छ ।