'मन्त्र' ले पोष्टर सार्वजनिक गर्दै तोक्यो प्रर्दशन मिति

कोरोना कहरले रिलिज स्थगित भएका चलचित्रहरुले एक पछि अर्को गर्दै प्रर्दशन मिति सार्वजनकि गर्न थालेका छन् यसै बिच  सौगात मल्ल,बुद्धि तामाङ र दिया पुन को मुख्य भुमिका रहेको चलचित्र ‘मन्त्र’को पोस्टर सहित प्रदर्शन मिति सार्वजनिक गरिएको छ ।  चलचित्र आगामी माघ २८ गते बाट देशभर सार्वजनिक प्रदर्शनमा आउने भएको  । गोर्खा सिरानचोक एण्ड लिगलिग कोट फिल्मस् प्रा.लि.को ब्यानरमा बनेको चलचित्रका वितरक गोबिन्द शाही रहेका छन् । 
हिमाली भेगको सुन्दर दृश्यहरु कैद गरिएको चलचित्र एउटा अर्गानिक नेपाली चलचित्र बनेको निर्माण पक्षले बताएको छ । करिब ५१०० मिटर भन्दा माथिको उचाइ मनास्लु हिमालको बेस क्याम्प सम्म पुगेर निकै नै मेहनतका साथ चलचित्रको छायाँकन गरिएको निर्देशक खिल बहादुर गुरुङले बताए । सार्बजनिक पोस्टरमा चलचित्रका मुख्य कलाकार सौगात मल्ल,बुद्धि तामाङ,दिया पुनलाई स्थान दिईएको छ । चलचित्र गोरखाको मनास्लु क्षेत्र आसपासको कथाबस्तुलाई आधार बनाएर निर्माण गरिएको छ । मनास्लु क्षेत्रमा पहिलो पटक छायाँकन गरिएको चलचित्रका दृश्यहरुले दर्शकको मन जित्नेमा निर्माण पक्ष ढुक्क रहेको छ । गोर्खा जिल्लाको चुम नुब्री सामा गाउँ,बिरेन्द्र ताल र पुङ्गिन गुम्बा लगाएतका रमणीय दृश्यहरु कैद गरिएको छ । खिल बहादुर गुरुङ निर्देशित चलचित्रले हिमाली प्रेम कथा बोल्छ । यस चलचित्र मार्फत सौगात र दियाले पहिलो पटक स्क्रिन शेयर गरेका छन् । चलचित्रमा नमिता घिसिङ्ग,बिर बहादुर लामा,पासाङ्ग टि शेर्पाको पनि मुख्य भूमिका रहेको छ । देबेन्द्र मानन्धर कार्यकारी निर्माता रहेको ‘मन्त्र’मा रविराज कार्की,सुरेश कार्की र सुभ श्रेष्ठको लगानी रहेको छ । 
साम्तेन भुटियाले लेखेको चलचित्रमा सन्तोष सुनारको संगीत, संजय लामाको छायांकन, मित्र डि गुरुङको सम्पादन,सुजिल कर्माचार्यको पार्श्व संगीत रहेको छ । अब चलचित्रको प्रचार प्रसारलाई तिब्र बनाउदै चलचित्रमा समाबेश गीत तथा चलचित्रको ट्रेलर केहि दिनमा नै सार्वजनिक गरिने  निर्माण टिमले जानकारी दिएको  छ ।